A wee drap o' whisky I tak' when I'm weary
My blood for to warm and my spirits to cheer
And when I sit doon I intend to be merry
So fill up a bumper and bring it round here.I can scarce get a hauf oor when I am weary
To tell you the truth I am wrocht very sore
My ploo and my lassie are a' my whole pleasure
We'll baith tak' a kiss an' hae a drap mair.Contented I sit and contented I labour
Contented I drink and contented I sing
I never dispute nor fa' oot wi' my neebors
For that is a mean and contentious thing.Oh few, very few ever hear me compleenin'
Though oftimes the load of oppression I bear
Oh fat is the use o' a man aye compleenin'
For aye fan he tastes, he maun hae a drap mair.Come noble waiter, bring in a large measure,
I mean hauf a mutchkin, the best o' the toon
An' when it is drunken, it's time to be joggin
Wi' the lightest o' care we'll gang toddlin' hame.So good night to you all, I think it's nae treason,
Altho' that the whisky speaks saft in my ear
Good night and safe home, till further occasion
We'll a' meet in friendship and hae a drap mair.
